Multikulturalizm Azərbaycan cəmiyyətinin həyat tərzidir

• Published in: Azərbaycan Dili və Ədəbiyyat Tədrisi Vol. 2022; no. 274; pp. 119 - 125
• Main Authors: Abbasov,Ədalət, Əliyev,Həmzə
• Format: Journal Article
• Language: Azerbaijani
• Published: Azərbaycan Respublikası Təhsil Nazirliyi 01-04-2022
• Subjects: Edebiyat; Türkiye; Bakü; etnokulturoloji göstərici; ictimai inkişaf; ethnocultural indicator; çoxmədəniyyətlilik; multicultural values; multikultural dəyərlər; multiculturalism; tolerantlıq; social development; tolerance
• ISSN: 2790-0738

Məlum olduğu kimi “multikulturalizm” məfhumu “multi” və “kultura” (latın dilindən tərcümədə çox əhəmiyyətlilik deməkdir) sözlərinin birləşməsindən əmələ gəlmişdir. Multikulturalizmin sosial hadisə kimi təqdim edilməsi onun cəmiyyətin məhsulu olaraq ictimai inkişafın müəyyən mərhələsində, eləcə də cəmiyyətdə cərəyan edən bu və ya digər hadisələrin təsiri altında meydana gəlməsini göstərir. Onun cəmiyyətdə inkişafının sonrakı mərhələsi xalqların həyat tərzinə çevrilməsi ilə bağlıdır. Multikulturalizm Azərbaycanda əsrlərdən bəri formalaşan, eyni zamanda ictimai-bədii, psixoloji-mənəvi müstəvidən kənara çıxmayan dəyərlər toplusu kimi, xüsusilə sovet ideologiyasının hökmran olduğu dövrdə kifayət qədər sistemsiz və spontan mahiyyətə malik idi. Ölkəmizdə multikulturalizmin dövlət siyasətinin tərkib hissəsi kimi sistemə salınması və konstitusiyamızın ayrı-ayrı maddələrində ondan bəhs edilməsi xalqımızın ümummilli lideri Heydər Əliyevin adı ilə bağlıdır. Həmin siyasət bu gün Prezidentimiz cənab İlham Əliyev tərəfindən uğurla davam etdirilir.